2026 жылғы 29 қаңтарда Қазақстан Республикасының Ұлттық қорғаныс университетінде Әскери ғылыми-зерттеу орталығының қару-жарақ пен әскери техниканы зерттеу басқармасының ғылыми-зерттеу жұмысы аясында артиллериялық құралдарды жетілдіру мәселелеріне арналған дөңгелек үстел өткізілді.
Іс-шара барысында қолданыстағы қару-жарақ үлгілерін жаңғыртудың өзекті бағыттары, олардың тиімділігін, сенімділігін арттыру, сондай-ақ заманауи қолдану талаптарына сәйкестігін қамтамасыз ету мәселелері қаралды.
Дөңгелек үстел жұмысына Қазақстан Республикасы Қорғаныс министрлігінің құрылымдық бөлімшелерінің өкілдері, сондай-ақ бейінді мамандар мен сарапшылар қатысты. Қатысушылар артиллериялық қару-жарақты дамытудың перспективаларын талқылап, негізгі проблемалық мәселелерді айқындады және практикалық тәжірибелерімен алмасты.
Дөңгелек үстел қорытындысы бойынша Қазақстан Республикасы Қарулы Күштерінің мүддесі үшін артиллериялық қару-жарақты одан әрі жетілдіруге және ғылыми-техникалық шешімдерді дамытуға бағытталған ұсыныстар әзірленді.
