2026 жылғы 28 қаңтарда Қазақстан Республикасының Ұлттық қорғаныс университетінде «8D12103 – Қару-жарақ және әскери техника» мамандығы бойынша философия докторы (PhD) ғылыми дәрежесін алу үшін диссертацияларды қабылдау жөніндегі Диссертациялық кеңестің отырысы өтті.
Отырыс барысында Арапов Максет Қалдыбаевичтің және полковник Алашбеков Еркін Алашбековичтің қару-жарақ пен әскери техниканы жетілдіру, сондай-ақ қауіпсіздікті қамтамасыз ету саласындағы өзекті ғылыми-практикалық мәселелерге арналған диссертациялық жұмыстары қаралды. Ұсынылған зерттеулер қорғаныс пен қауіпсіздік мүддесінде техникалық құралдарды пайдалану мен қолданудың тиімділігін арттыруға бағытталған қолданбалы міндеттерді шешуге бағдарланған.
Ізденушілер өз диссертацияларының негізгі тұжырымдарын жан-жақты баяндап, алынған нәтижелердің ғылыми жаңалығы мен практикалық маңыздылығын негіздеді. Ғылыми пікірталас аясында зерттеулерде қолданылған әдіснамалық тәсілдер, сондай-ақ ұсынылған шешімдерді практикалық қызметке енгізу перспективалары талқыланды.
Диссертациялық кеңес мүшелері мен шақырылған мамандар зерттеу тақырыптарының өзектілігін, олардың қару-жарақ пен әскери техниканы дамытудың қазіргі заманғы талаптарына сәйкестігін, сондай-ақ ұсынылған материалдардың жоғары ғылыми деңгейде дайындалғанын атап өтті.
Отырыс жұмысына қару-жарақ пен әскери техника саласындағы жетекші ғалымдар мен сарапшылар, ғылыми қауымдастық өкілдері және қорғаныс-өнеркәсіп кешенінің мамандары қатысты. Отырыстың өткізілуі Қазақстан Республикасының Ұлттық қорғаныс университетінің елдің қорғаныс саласы үшін жоғары білікті кадрларды даярлаудағы ғылыми-білім беру алаңы ретіндегі рөлін тағы бір мәрте айқындады.
