logo

ПОДПОЛКОВНИК БАҒДАТ ӘЛИЕВ – «500 ҒАЛЫМ» БАҒДАРЛАМАСЫНЫҢ СТИПЕНДИАТЫ АҚШ-ТА ҒЫЛЫМИ ТАҒЫЛЫМДАМАДАН ӨТТІ

Без рубрики

29.7.25

ПОДПОЛКОВНИК БАҒДАТ ӘЛИЕВ – «500 ҒАЛЫМ» БАҒДАРЛАМАСЫНЫҢ СТИПЕНДИАТЫ АҚШ-ТА ҒЫЛЫМИ ТАҒЫЛЫМДАМАДАН ӨТТІ

«Болашақ» халықаралық стипендиясы аясында «500 ғалым» ғылыми тағылымдамалар бағдарламасы бойынша Қазақстан Республикасы Ұлттық қорғаныс университеті әскери ғылыми-зерттеу орталығының аға ғылыми қызметкері подполковник Бағдат Әлиев «Білім берудегі Менеджмент» мамандығы бойынша Джордж Вашингтон университетінде (George Washington University, Washington DC, USA) бір жылдық ғылыми тағылымдамадан сәтті өтті. Тағылымдама 2024 жылғы 27 мамыр мен 2025 жылғы 25 мамыр аралығында өтті.

Бағдарлама аясында Бағдат Әлиев Гарвард университеті (Harvard University), Массачусетс технологиялық институты (MIT), Бостон университеті (Бостон қ.), Джорджтаун университеті, Джордж Мейсон Университеті және Америка университеті (Вашингтон қ.) сияқты АҚШ-тың жетекші университеттерінің оқу үдерісімен және оқу-материалдық базасымен танысты.

Подполковник Бағдат  Әлиев жетекші аналитикалық және халықаралық орталықтар ұйымдастырған бірқатар ғылыми семинарлар мен сараптамалық пікірталастарға қатысты:

  • Стратегиялық және халықаралық зерттеулер орталығы (CSIS),
  • Брукингс Институты (Brookings Institution),
  • Като Институты (Cato Institute),
  • Дүниежүзілік банк (WB),
  • Халықаралық валюта қоры (IMF),
  • Атлантикалық кеңес (Atlantic Council),
  • АҚШ Конгресс кітапханасы (Library of Congress).

Тағылымдама барысында ол халықаралық сертификаттармен біліктілігін растай отырып, CITI Program бағдарламасы аясында мамандандырылған курстардан өтті:

  • Social & Behavioral Research (id 65436936, 25.09.2024),
  • Financial Conflict of Interest (FCOI) (ID 70121234 08.06.2025),
  • Research Conduct of Research (ID 98076801 08.06.2025),
  • Undue Foreign Influence: Risks and Mitigations (ID 70121238 08.06.2025),
  • Research Study Design(ID 70121235 08.06.2025).

Сонымен қатар, Бағдат Әлиев American Foundation for Educational Excellence (Вирджиния, АҚШ) ұйымдастырған “Inclusive Leadership» көшбасшылық курсынан өтті.

Тағылымдама қорытындысы бойынша подполковник Бағдат Әлиев бағдарламаны сәтті аяқтап, «Білім берудегі Менеджмент» мамандығы бойынша Джордж Вашингтон университетінің сертификатын алды.