Қазақстан Республикасының Ұлттық қорғаныс университетінің өкілдері – полковниктер Сапар Алпысбаевич Кулатаев, Тимур Хамидоллаевич Джусупбеков, Бегим-Мурат Нурланович Ильясов Назарбаев университетінде Британдық сапаны қамтамасыз ету агенттігінің және Британдық кеңестің қолдауымен өткен «Жоғары білім беру сапасын қамтамасыз ету: жағдайы және даму перспективалары» атты форумға қатысты.
Шараның пленарлық отырысына Қазақстан Республикасының Ғылым және жоғары білім министрі Саясат Нурбек модераторлық етті.
Форум аясындағы іс-шаралар «Ғылыми қызмет нәтижелерінің сапасын бағалау – жаңа тәсілдер» және «Жоғары және жоғары оқу орнынан кейінгі білім беру саласын мемлекеттік реттеу жүйесінің сапасын қамтамасыз ету және жетілдіру» тақырыбындағы екі секция бойынша ұйымдастырылды:
Форум шеңберінде трансұлттық білім беру мәселелері, Қазақстандағы жоғары білім беру жүйесіндегі жаңа сын-қатерлер, сондай-ақ ел аумағындағы білім беру бағдарламаларын үздік әлемдік тәжірибелер мен озық үлгілерге сүйене отырып дамыту жолдары қарастырылды.