2025 жылғы 30 сәуір күні Қазақстан Республикасының Ұлттық қорғаныс университеті Қазақстан халқының бірлігі күнін атап өтті.
Қазақстан халқының бірлігі күніне орай университет басшысы өзге мемлекеттердің бірқатар қызметкерлерін, атап айтқанда Үндістан, Қырғызстан және Тәжікстан Республикаларының әскери қызметшілерін еңбектегі жетістіктері мен ұжым ішіндегі татулықты нығайтуға қосқан үлесі үшін марапаттады.
Іс-шара аясында мәдени бағдарлама ұйымдастырылды. Мұндай игі дәстүр ұжым ішіндегі бірлік пен бауырмалдықты арттыруға, кәсіби ынтымақтастықты нығайтуға ықпал етеді.