2025 жылғы 24 сәуірде Қазақстан Республикасының Ұлттық қорғаныс университеті мен «Ghalam» ЖШС ғылыми-зерттеу, білім беру және технологиялық қызмет салаларындағы стратегиялық ынтымақтастық туралы меморандумға қол қойды.
Келісімге қол қоюдың мақсаты – қорғаныс, аэроғарыштық технологиялар және басқа салаларда күш-жігерді біріктіруге бағытталған өзара тиімді серіктестікті орнату және дамыту. Меморандум бірлескен жобаларды жүзеге асыруды, ғылыми зерттеулер жүргізуді, тағылымдамалар мен тәжірибе алмасуды ұйымдастыруды, сондай-ақ ұлттық қауіпсіздік мүддесінде инновациялық шешімдерді дамытуды көздейді.
Қол қою салтанатты жағдайда «Ghalam» ЖШС аумағында өтті. Тараптар ынтымақтастықтың ғылым, білім және өнеркәсіпті біріктіру үшін жаңа мүмкіндіктер ашатынына сенім білдірді.