Қазақстан Республикасының Ұлттық қорғаныс университетінде 2025 жылғы 26 ақпанда Қазақстан Республикасындағы Қытай Халық Республикасы Елшілігі жанындағы Әскери атташе полковник Ван Липэннің ресми сапары өтті.
Сапар барысында полковник Ван Липэн университеттің оқу-әдістемелік және ғылыми-зерттеу қызметімен танысып, екіжақты әскери ынтымақтастықтың келешегі мен әскери білім беру саласындағы өзара іс-қимылдарды нығайтудың негізгі бағыттарын талқылады.
Сонымен қатар, полковник Ван Липэн «Қытай Халық армиясының әскери өнері» аудиториясын аралады.
Тараптар әскери білім беру саласындағы ынтымақтастықты жалғастыруға және тереңдетуге өзара қызығушылық білдіріп, бұл екі ел арасындағы достық пен өзара түсіністікті нығайтуға ықпал ететініне сенім білдірді.
