Қазақстан Республикасы мен Пәкістан Ислам Республикасының қорғаныс ведомстволары арасындағы екіжақты ынтымақтастық аясында, ағымдағы жылғы 14 мамырда Қазақстан Республикасындағы Пәкістан Ислам Республикасының әскери атташесі бригадалық генерал Мумтаз Али «Қазіргі заманғы соғыстарда ұшқышсыз ұшу аппараттары мен робототехникалық құралдарды қолдану» тақырыбында дәріс оқыды.
Іс-шараға университеттің профессор-оқытушылар құрамы, докторанттар мен магистранттар белсенді қатысты. Дәріс барысында бригадалық генерал Мумтаз Али қорғаныс саласындағы заманауи технологияларды қолдану тәжірибесімен бөлісіп, ұшқышсыз ұшу аппараттары мен робототехникалық кешендердің қазіргі заманғы ұрыс жағдайларындағы маңыздылығына ерекше тоқталды.